Webber sposkur á svip í Sao Paulo. reuters

Mark Webber á Red Bull ók hraðast á fyrri æfingu dagsins í Sao Paulo í Brasilíu, en þar fer síðasta mót ársins fram á sunnudag. Í næstu sætum urðu McLarenfélagarnir Jenson Button og Lewis Hamilton.

Aðeins munaði 14 þúsundustu úr sekúndu á bestu tímum Webbers og Button í Interlagosbrautinni. Hamilton var síðan rétt rúmum tíunda úr sekúndu á eftir. 

Í næstu þremur sætum urðu heimsmeistarinn Sebastian Vettel á Red Bull og Ferrarifélagarnir Felipe Massa og Fernando Alonso.

Heimamennirnir Rubens Barrichello hjá Williams og Bruno Senna hjá Renault settu 13. og 14. besta tíma æfingarinnar.

Varamenn nokkurra liða sinntu akstri fyrir lið sín í stað annars keppnisþórsins. Fremstur þeirra varð Nico Hülkenberg hjá Force India sem setti áttunda besta tímann og var aðeins 16 þúsundustu á eftir Michael Schumacher hjá Mercedes.

Webber á leið til besta tímans á fyrri æfingu dagsins í Sao Paulo. reuters