Vettel varð efstur á jafnri æfingu, þeirri síðustu á árinu. reuters

Heimsmeistarinn Sebastian Vettel hjá Red Bull lét að sér kveða á lokaæfingunni fyrir tímatökurnar í Sao Paulo, velti Jenson Button hjá McLaren undir lok hennar úr efsta sæti lista yfir hröðustu hringi.

Button var eins og í samloku Red Bull manna því Mark Webber setti þriðja besta tímann. Til marks um hversu hnífjafnir fremstu menn voru þá munaði aðeins 87 þúsundustu úr sekúndu á hring Vettels og Button og 50 þúsundustu á McLarenþórnum og Webber.

Og síðan voru aðeins 25 þúsundustu úr sekúndu á milli Webber og Lewis Hamilton á McLaren sem varð fjórði. Fernando Alonso á Ferrari átti fimmta besta tímann en þann sjötta besta setti Adrian Sutil á bíl Force India.

Vettel (nær) og Petrov í návígi á æfingunni í Sao Paulo. reuters

Tuginn fylltu svo Nico Rosberg og Michael Schumacher á Mercedes, Paul di Resta á Force India og heimamaðurinn Felipe Massa á Ferrari.