Newey segir að Red Bull geti enn bætt sig. reuters

Þótt lið hans hafi drottnað keppni í formúlunni undanfarin tvö ár segir Adrian Newey, tæknistjóri og aðalhönnuður Red Bull, að hægt sé að bæta keppnisbílana frá því sem verið hefur.

Newey segir reglurnar fela þetta í sér og við yfirlýsingu hans mætti ætla að kalt vatn rynni milli skinns og hörunds hjá tæknimönnum annarra liða. Lið hans vann báða titla formúlunnar bæði 2010 og 2011 en á nýliðnu ári sýndi heimsmeistarinn Sebastian Vettel þvílíka yfirburði, að hann vann 11 mót og 15 ráspóla. 

„Allt sem þarf er að kafa ofan í veikleika okkar árið 2011 og reyna að bæta úr þeim“ segir Newey við breska akstursíþróttaritið Autosport. „Það voru nokkur svið sem við gátum verið betri á og sem fyrr mun mun þróunarkapphlaup eiga sér stað í vetur.

Red Bull varr illviðráðanlegt bæði 2010 og 2011. reuters

Nokkrar breytingar á reglum taka gildi, aðallega snúa þær að því að þrengja staðsetningu útblástursröra og takmarka möguleika til mótorstýringar. Fyrir vikið mun útblásturinn nær engin áhrif hafa á straumfræði bílanna og munu því allir freista þess að endurheimta þá vængpressu sem tapast vegna þess. Sá sem finnur bestu lausnina mun líklegast fagna sigri í formúlu-1 í ár,“ segir  Newey.