Ljósmyndarar sýna nýjum Lotus þeirra Räikkönen og Grosjean mikinn áhuga. mbl.is/lotusf1

Kimi Räikkönen kveðst þeirrar skoðunar að Lotusliðið sé þess megnugt að smíða bíl sem keppt getur til sigurs, en liðið frumsýndi í dag 2012-bíl sinn.

Räikkönen varð heimsmeistari ökuþóra með Ferrari árið 2007 og snýr nú aftur til keppni eftir tveggja ára þátttöku í HM í ralli.

Lotus - þá undir merkjum Renault - vann sinn síðasta kappakstur 2008 með Fernando Alonso undir stýri. Í millitíðinni hefur liðið átt örðugt  með að blanda sér  í keppni þeirra bestu.

Räikkönen er því að þessu sé hægt að snúa við. „Mér sýnist þessi mannskapur fær um að smíða góðan bíl. Þeir eru mjög flinkir, hafa þetta í fingrunum og leggja hart að sér. Jafnvel bestu lið geta ekki smíðað sigurbíl hvert einasta ár. Vonandi skilum við góðum árangri í ár,“ segir hann.

Räikkönen segir færa bílsmiði hjá Lotus. mbl.is/lotusf1