Nico Rosberg á ársgömlum Mercedes ók hraðast í dag, á þriðja degi bílprófana í Jerez á Spáni. Fljótastur á 2012-bíl var hins vegar Romain Grosjean á Lotus.

Í dag mættu til leiks Sebastian Vettel, Lewis Hamilton og Fernando Alonso sem kynntust í fyrsta sinn nýjum keppnisbílum sínum.

Grosjean var sömuleiðis að setjast í fyrsta sinn í Lotusinn - áður Renault - og þurfti lítinn tíma til að venjast honum. Áður en komið var hádegi hafði hann sett hraðasta hring 2012-bíls það sem af er vikunnar.

Hafði hann tæprar sekúndu forskot á næstu menn og var Rosberg sá eini sem bætti um betur.

Hópur spænskra aðdáenda landa þeirra, Alonso, flykktust í stúkurnar í Jerez. Þeir höfðu  ekki mikið til að klappa fyrir því Alonso setti aðeins sjöunda besta tímann á Ferrarifák sínum.

Bruno Senna hjá Williams ók lengra en nokkur annar, eða 125 hringi. Franski nýliðinn Jean-Eric Vergne tók við akstri hjá Toro Rosso og setti fimmta besta tímann. Landi hans Jules Bianchi hjá Force India missti bílinn út úr brautinni áður en hann hafði ekið fullan tímahring. Tókst ekki að gera við bílinn í tæka tíð svo Nico Hülkenberg gæti æft sig síðdegis. Verður hann að bíða með það til morguns.

Niðurstaða æfingarinnar varð annars sem hér segir: