Vettel milli aksturslota í Barcelona. reuters

Sebastian Vettel hjá Red Bull ók hraðast á fyrsta degi bílprófanalotu sem hófst í Barcelona á Spáni í dag. Landi hans Nico Hülkenberg á Force India var næstfljótastur og þriðja besta tímann átti Lewis Hamilton á McLaren.

Flestir náðu þessir bestu hringjum sínum í morgunsvalanum en eftir hádegi - með hækkandi sól og vaxandi brautarhita - völdu liðin að aka í löngum lotum. Í blálok dagsins tók Vettel aftur stutta spretti og setti þá sinn besta tíma, hinn eini af sjö hröðustu ökumönnum sem það gerði.

Lotusliðið átti í vanda með bíl sinn. Romain Grosjean sagði hann hafa hegðað sér einkennilega og var akstri hætt eftir sjö hringi. Var þetta nýr undirvagn en liðið ákvað að senda hann aftur í bílsmiðjuna í Englandi til rannsóknar og taka fyrri 2012-bílinn aftut til æfinga.

Charles Pic hóf æfingar Marussia í dag og ók alls 121 hring eða fleiri á fyrsta degi í nýjum bíl en nokkur annar ökuþór hefur gert það sem af er ári.

Niðurstaða æfingarinnar varð annars sem hér segir:

Charles Pic á Marussia í Barcelona í dag. reuters