Ný hindrun á vegi Webbers
Setja bókamerki
Aðeins nokkrum dögum eftir að hafa verið stöðvaður á sigurför í Malasíukappakstrinum varð ný hindrun í veginum er stöðvaði för hans. Að þessu sinni var það Kóalabjörn.
Atvikið átti sér stað á heimaslóðum Webbers í Ástralíu í vikunni og liðsfélaginn Sebastian Vettel - sem braut á Webber í Malasíu - var víðs fjarri.
„Stöðvaður á ferð minni, hann er í leiðangri þessi litli,“ sagði Webber á tístsíðu sinni þar sem hann birti mynd af birninum á ferð yfir götuna fyrir framan bíl hans. Nam hann staðar og hleypti birninum yfir.
Mörg kaldhæðnisleg ummæli fylgdu í kjölfarið frá unnendum Webbers og skírskotuðu til atvika í Malasíukappakstrinum þar sem Vettel hunsaði margítrekuð liðsfyrirmæli og lagði til atlögu við Webber á lokahringjunum og rændi hann sigri.
„Góður ertu, Vettel hefði stigið á hinn pedalann (auðvitað fyrir mistök),“ skrifaði einn stuðningsmaður Webbers. Annar bætti við: „Hann tók þó ekki fram úr þér“.
Webber sneri heim til Ástralíu eftir Malasíukappaksturinn til að kæla sig niður eftir deilurnar við Vettel í Sepang og safna kröftum fyrir næsta mót, í Sjanghæ í Kína um miðjan apríl.
Forsetafylgismenn dregnir í dilka
Hafa náð tökum á eldinum
„Sárt að horfa upp á þetta“
Ráðherra um árshátíðina: „Hljómar frekar hátt“
Myndir: Stórbruni í Kaupmannahöfn
Danir í áfalli yfir brunanum
Með skerta aksturshæfni og undir slævandi áhrifum
Byggingarheimildir verði tímabundnar