Felipe Massa segist vongóður um að Williamsliðinu takist á seinni helmingi keppnistíðarinnar að komast fram úr Ferrari og Red Bull í keppninni um heimsmeistaratitil bílsmiða.

Williams er í fjórða sæti sem stendur, þremur stigum á eftir Ferrari og 65 á eftir Red Bull. Eftir miklar framfarir í bílþróuninni hefur Massa fyllst það mikilli bjartsýni, að nú telur hann framangreind tvö lið innan seilingar.

„Við þurfum alltaf að hugsa um að verða betri. Okkur hefur farið fram, skref fyrir skref og erum að gera góða hluti í bílþróuninni,“ sagði Massa í Hockenheim í dag, en þar fer þýski kappaksturinn í formúlu-1 fram á sunnudag.

„Í síðustu þremur mótum höfum við verið öflugri en Red Bull og Ferrari. Og sé hraði okkar meiri því skyldum við þá ekki geta slegist við þessi lið?“ sagði Massa.


 

Tengdar fréttir

Formúla-1/Williams

Ráða Russell og Latifi út 2021

• Kubica hættir hjá Williams
• Alfa Romeo svipt stigum sem fara til Williams
• Williams með „spennandi“ uppfærslur
• Æfingu hætt vegna brunnloks

» Fleiri tengdar fréttir

• Blogga um frétt