Nico Rosberg segir sigur í heimasigur í þýska kappakstrinum í Hockenheim hafa „einstaka“ þýðingu fyrir sig. Hann hóf keppni af ráspól og hafði mikla yfirburði og kom í mark meira en 20 sekúnudm á undan næsta manni, Valtteri Bottas hjá Williams.
Þetta var fimmti mótssigur Rosberg í ár og með honum jók hann forystu sína í keppninni um heimsmeistaratitil ökumanna í 14 stig, en annar er liðsfélagi hans Lewis Hamilton sem varð þriðji í dag.
„Þetta er frábær helgi, með bæði ráspól og svo sigur. Afar sérstakur dagur fyrir mig,“ sgaði Rosberg en í vikunni gekk hann upp að altarinu og landsmenn hans fögnuðu sigri í HM í knattspyrnu.
Rosberg játti að hafa fyllst áhyggjum er Adrian Sutil snarsneri bíl sínum í lokabeygju hringsins og stöðvaðist á brautinni. Óttaðist hann að öryggisbíll yrði sendur út í brautina og forysta hans þar með þurrkuð út.
„Ég varð nokkuð óttasleginn er ég sá Sutil stoppa því ég hélt öryggisbíllinn yrði kallaður út. Það hefði gert mér erfiðara fyrir.“