Alonso: „Óvænt ánægja“
Setja bókamerki
Fernando Alonso segir að annað sætið í ungverska kappakstrinum hafi verið „óvænt en skemmtileg ánægja“ fyrir bæði hann sjálfan og Ferrariliðið.
Barðist Alonso um sigur á lokahringjunum í Hungaroring við Daniel Ricciardo hjá Red Bull og Lewis Hamilton hjá Mercedes.
Á endanum komst Ricciardo fram úr er aðeins tveir hringir voru eftir en Alonso tókst að halda Hamilton fyrir aftan sig og komst á verðlaunapall í fyrsta sinn frá í apríl.
„Þetta var erfið helgi og vertíðin hefur reynt á og því er þessi óvænti árangur skemmtileg ánægja,“ sagði Alonso.
„Við tókum áhættur í tilraunum okkar til að vinna sigur. Ég er ákaflega hreykinn af liðinu og því verki sem við skiluðum. Ég ér afar ánægður,“ sagði Alonso en nú fær hann fjögurra vikna frí frá akstursæfingum og keppni.
Kimi Räikkönen endaði í sjötta sæti og lagði því nokkuð af stigum í púkkið í Búdapest. Dugði það til að Ferrari komst aftur upp fyrir Williams í keppni bílsmiða.
Hernaðaraðstoð samþykkt – Vopnasendingar í vikunni
Veiting hvalveiðileyfis ekki brot á EES-samningi
Tveir í bílnum sem lenti utan vegar
Skiptir miklu meira máli en fólk grunar
Vona að Orkustofnun veiti ekki virkjunarleyfi
Skar höfuðleðrið af íslenskri konu
Eyjafjarðarbraut lokað vegna alvarlegs umferðarslyss
Vélsleðaslys: Þyrlan kölluð út á mesta forgangi