Ekki verður hróflað við rástíma ástralska kappakstursins í Melbourne, þrátt fyrir tilmæli Alþjóða akstursíþróttasambandsins (FIA) í þá veru. 

Framkvæmdaraðilar mótsins höfnuðu tilmælum FIA sem vill að kappakstur í mótum sem teljast fara fram í dagsbirtu hefjist að minnsta kosti fjórum klukkutímum fyrir sólsetur.

Þetta er stefna FIA í framhaldi af slysinu harða í Suzuka í Japan þar sem Jules Bianchi skall á öryggisveg. Lagði sérfræðingahópur sem rannsakaði slysið það til.

Framkvæmdastjóri kappakstursins í Melbourne segir að rástíma þar verði ekki breytt, kappaksturinn hefjist áfram klukkan 17 að staðartíma. Fyrir vikið stendur sjónvarpsútsending í Evrópu á morgunverðartíma og á hádegi í Asíu.

Tengdar fréttir

Formúla-1/Vettvangur

Vettel semur við Aston Martin

• „Bleiki Mercedes“ ólöglega gerður
• Íhugaði að hvíla sig á keppni
• Leclerc prófaði 18 tommu dekk
• Kórónuveiran ógnar formúlu-1

» Fleiri tengdar fréttir

• Blogga um frétt