McLarenliðið hefur staðfest, að Fernando Alonso muni sitja af sér kappaksturinn í Melbourne vegna óhappsins við bílprófanir í Barcelona fyrra sunnudag. Keppir Kevin Magnussen í hans stað.

Alonso hlaut heilahristing er hann skall á öryggisvegg og dvaldi á sjúkrahúsi á fjórða sólarhring í framhaldi af því.

Læknar eru sáttir við bata Alonso og segja hann lausan við öll meiðsli en segja hann gæti verið í mikilli hættu af öðru akstursóhappi í bráð. Í tilkynningu frá McLaren segir, að þeir ráðleggi honum að lágmarka umhverfisáhættur sem gætu leitt til annars heilahristings svo skömmu eftir þann fyrri. Því sé það niðurstaðan að sleppa honum við að keppa í Melbourne, en þar fer fyrsta mót ársins fram eftir 10 daga.

Tengdar fréttir

Formúla-1/McLaren

Ricciardo til McLaren

• Sainz í stað Vettels
• Honda hindrar Alonso
• Grunnvandi McLaren úr sögunni
• Häkkinen snýr aftur

» Fleiri tengdar fréttir

• Blogga um frétt