Valtteri Bottas segist hafa „gert viðeigandi ráðstafanir“ til að geta keppt í Sepang í Malasíu komandi helgi. Vegna bakmeiðsla í tímatökum í Melbourne varð hann að slaufa ástralska kappakstrinum.

Við rannsóknir á spítala í Melbourne strax eftir tímatökuna kom í ljós smá slit í brjóski í baki. Vonaðist Bottas til að geta keppt engu að síður en féll á læknisskoðun að morgni keppnisdagsins.

Frá í Melbourne hefur Bottas dvalið í Indóesíu til meðferðar en hann þarf að gangast undir læknisskoðun hjá mótslæknum í Malasíu á fimmtudag, og standast hana, til að fá leyfi til að  keppa í Sepang.

Valtteri Bottas í Melbourne. mbl.is/afp

Tengdar fréttir

Formúla-1/Williams

Ráða Russell og Latifi út 2021

• Kubica hættir hjá Williams
• Alfa Romeo svipt stigum sem fara til Williams
• Williams með „spennandi“ uppfærslur
• Æfingu hætt vegna brunnloks

» Fleiri tengdar fréttir

• Blogga um frétt