Tvöfalt hjá Mercedes í Barcelona

Nico Rosberg hjá Mercedes var að koma fyrstur í mark í Barcelonakappakstrinum. Annar varð liðsfélagi hans Lewis Hamilton og þriðji Sebastian Vettel hjá Ferrari.

Rosberg var fyrstur á ráspól og hélt forystunni alla leiðina og vann hann þar með sinn fyrsta sigur á árinu og í fyrsta sinn sem hann sigrar í Barcelona.

Það var alveg sama hvað Hamilton reyndi í dag, hann komst hreinlega ekki fram úr Roseberg. 

Finnarnir Valtteri Bottas hjá Williams og Kimi Räikkönen hjá Ferrari háðu harða baráttu um fjórða sætið og þar hafði Bottas betur.

• Blogga um frétt