Nico Rosberg hjá Mercedes játaði eftir tímatökuna í Mónakó að hann hefði misst taktinn í brautinni í lokalotunni. Fyrir það hefði hann goldið með því að sjá á eftir ráspólnum til liðsfélaga síns Lewis Hamilton.

Rosberg hafði ekið hraðast þegar þriðja og síðasta lota tímatökunnar rann upp en var ögn lengur með sína fyrri tímatilraun í lokalotunni en Hamilton. Í seinni - og síðustu - tímatilrauninni hugðist hann gera enn harðari atlögu að ráspólnum en gerði mistök  á bremsusvæði og hafði ekkert upp úr krafsinu.

Á sama tíma og sjálfstraust Hamiltons jókst seig það hjá Rosberg. „Ég ætlaði að taka pólinn því við vitum að Lewis yrði ella fljótur í kappakstrinum. Ég hafði trú á því að ég gæti náð honum, en það gekk ekki upp.“

Rosberg vann ráspólinn í Mónakó bæði í fyrra og hitteðfyrra og ók í bæði skiptin til sigurs í sjálfum kappakstrinum.

Tengdar fréttir

Formúla-1/Mercedes

Hamilton framlengir

• Einbeita sér að því að auka aflið
• Mercedes ræður Bottas út 2020
• Íhuguðu að taka Hamilton úr bílnum
• Hamilton færður aftur

» Fleiri tengdar fréttir

• Blogga um frétt