Piquet meistari í raf-formúlunni
Setja bókamerki
Nelson Piquet yngri er fyrsti heimsmeistari í rafbílaformúlunni, Formula E, en síðasta mót fyrstu keppnistíðarinnar fór fram í London um nýliðna helgi. Hörð var titilkeppnin því annar og aðeins einu stigi á eftir varð Sebastien Buemi.
Piquet og Buemi eru báðir fyrrverandi ökumenn úr formúlu-1 og það eru reyndar margir aðrir ökumenn nýju formúlunnar. Fyrir lokamótið var Piquet fimm stigum á undan Buemi en þar sem hann klúðraði tímatöku og þurfti að hefja keppni í 16. sæti virtist lengi sem Buemi ætlaði að hreppa titilinn því hann hóf keppni tíu sætum framar, í sjötta sæti.
Kappaksturinn þróaðist hins vegar Piquet í hag og vann hann titilinn sem fyrr segir, varð sjöundi í mark en Buemi fimmti. Fyrstur yfir marklínuna ók franski ökumaðurinn Stephane Sarazzin, einnig úr formúlu-1. Hann rann síðustu metrana rafmagnslaus og var fyrir það dæmdur til tímarefsingar og sigurinn þannig hafður af honum.
29 nautgripir fundust dauðir
Sárt að horfa upp á illa meðferð fjármuna
Ný staða uppi og óvissan meiri
Gerir ráð fyrir 150 samningum í næstu viku
Segjast hafa skotið niður langdræga sprengjuvél
Hyggjast leyfa fólki að skoða gosið
Hægagangur og vaxandi ókyrrð