Ferrari baðst afsökunar
Setja bókamerki
Tengdar fréttir
Formúla-1/Ferrari
Ferrariliðið hefur orðið við kröfu æðstu stjórnenda kappakstursins í Singapúr og beðist fortakslausrar afsökunar á framferði liðsmanna sinna við verðlaunapallinn eftir keppni.
Svo æstir voru starfsmenn Ferrariliðsins að þeir ruddust gegnum öryggisgirðingar og höfðu að engu viðvaranir öryggisvarða og annarra brautarstarfsmanna um að hafa hemil á sér og ógna ekki öryggi mótsframkvæmdarinnar.
Varnarsveitirnar voru of fáliðaðar til að verjast áhlaupi nautsterkra vélvirkja Ferrari sem ruddu girðingum um koll til að komast sem næst verðlaunapallinum til að hylla sigurvegarann Sebastian Vettel og Kimi Räikkönen sem varð þriðji í mark.
Fagnaðarlætin fóru sem sagt úr böndum og eftir að hafa verið kallaðir inn á teppið vegna málsins hefur Ferrari sent skriflega afsökunarbeiðni til framkvæmdaraðila kappakstursins og annarra sem málið varðar.
Árangur Ferrari á kappakstursbrautinni í Singapúr var sá besti á árinu.
Tengdar fréttir
Formúla-1/Ferrari
Nauðgaði kærustu sinni og tók það upp
Unnu að fullum heillindum að kaupum á TM
Mikilvægt að vera á tánum
Hæstiréttur staðfestir vanhæfi alls Landsréttar
Gerir ráð fyrir 150 samningum í næstu viku
Ný staða uppi og óvissan meiri
Sárt að horfa upp á illa meðferð fjármuna