Hundraðasta mótshelgi tveggja
Setja bókamerki
Tímamót verða á ferli Nico Hülkenberg og Sergio Perez hjá force India í rússneska kappakstrinum í Sotsjí. Verður það hundraðasta mót hvors um sig í formúlu-1.
Báðir segjast þeir Hülkenberg og Perez stefna að stigasæti af þessu tilefni. Í fyrsta móti ársins varð sá fyrrnefndi meðal 10 fremstu og færði liði sínu því stig.
Í næstu tveimur mótum glímdi Force India hins vegar við stigaþurrð, hvorugur kláraði meðal tíu fremstu í Barein og Kína.
„Mér finnst það ótrúlegt að þetta skuli vera hundraðasti kappaksturinn minn í formúlu-1. Hvert hefur allur tíminn flogið?,“ segir Hülkenberg. „Skemmtilegur áfangi og vonandi verður árangurinn eftirminnilegur. Takmarkið er að skora stig í kjölfar tveggja svekkjandi móta. Ég held við höfum ekki sýnt enn hvað í okkur býr.“
Perez segist hlakka til kappakstursins í Sotsjí en þar komst hann í fyrsta sinn á pall á síðasta ári. „Mér líkar brautin einstaklega vel og ég held við verðum samkeppnisfærir um helgina. Þurfum að einbeita okkur að því að bæta keppnishraðann.“
„Hvílir mikil leynd yfir þessu öllu“
Tveir í bílnum sem lenti utan vegar
Eyjafjarðarbraut lokað vegna alvarlegs umferðarslyss
Handtekin eftir að tvö börn fundust látin
Vona að Orkustofnun veiti ekki virkjunarleyfi
Handteknir eftir myndatöku í Vesturbæjarlaug