Rosberg sagður daðra við Ferrari

Þótt Nico Rosberg sé „ánægður hjá Mercedes“ hefur hann hvorki viljað neitað né játa orðrómi um að hann gæti verið á eið til Ferrari á næsta ári.

Ítalska íþróttadagblaðið Corriere della Sera hélt því fram í vikunni, að í framhaldi af árekstri Mercedesfélaganna í Barcelona hafi Rosberg „daðrað“ við Ferrari.

Á vefsíðu blaðsins segir, að Ferrari sé áfram um að fá Rosberg til að keppa við hlið landa síns Sebastians Vettel á næsta ári. Hefur hann unnið 39 stigum meira en Kimi Räikkönen í keppninni um titil ökumanna það sem af er vertíðinni, en þeir eru í tveimur efstu sætunum.
 
Í tilsvörum sínum þykir sem Rosberg hafi mistekist að afneita orðrómnum. „Ég er ánægður hjá Mercedes, en við verðum að bíða og sjá hvað framtíðin ber í skauti sér,“ sagði hann.
 
Heldur vildi Vettel ekkert segja um hvort sannleikur væri í fréttinni. Spurður hvort Rosberg væri að daðra við Ferrari sagði Vettel: „Svo lengi sem hann daðrar ekki við mig þá eru það góðar fréttir. Um allt annað verðið þið að spyrja liðsstjórann Maurizio [Arrivabene]“.

Skyldu Sebastian Vettel (t.v.) og Nico Rosberg verða liðsfélagar á næsta ári, báðir rauðklæddir? AFP

• Blogga um frétt