Daniel Ricciard hjá Red Bull setti langbesta brautartímann á seinni æfingu dagsins í Mónakó. Var hann 0,6 sekúndum fljótari með hringinn en Lewis Hamilton hjá Mercedes og 0,9 sekúndum á undan Nico Rosberg hjá sama liði.

Ricciardo naut nýju Renaultvélarinnar en liðsfélagi hans Max Verstappen varð fjórði með gömlu vélina í skotti sínu. Í fimmta og sjötta sæti urðu Daniil Kvyat og Carlos Sainz á Toro Rosso en Ferrarivélar eru í bílum þessa dótturliðs Red Bull.

Kimi Räikkönen varð fyrstur ökumanna Ferrari með sjöunda besta tímann, tveimur sætum á undan Sebastian Vettel, sem tvisvar renndi sér utan í öryggisveggi, í beygjunum Mirabeau Sainte Devote, sem er fyrsta beygja hringsins.

Sergio Perez hjá Force India komst upp á milli ökumanna Ferrari í áttunda sætið og tíundi varð svo Jenson Button hjá McLaren. Liðsfélagar þeirra, Nico Hülkenberg og Fernando Alonso urðu í næstum sætum.

Það segir sitt um ágæti árangurs Ricciardo, að Button í tíunda sæti varð 1,7 sekúndu lengur með hringinn en Ástralinn brosmildi.