Snilldartilþrif í góðgerðarleik

Að venju var efnt til góðgerðarleiks í knattspyrnu í Mónakó í fyrrakvöld með þátttöku ökumanna úr formúlu-1.

Fernando Alonso var fyrirliði í liði ökumanna og á einni af meðfylgjandi myndum má sjá hann hampa sigurlaunum liðsins. 

Mótherjarnir voru stjörnulið Alberts Mónakófursta og fór hann fyrir liði sínu. Allur ágóði af tekjum af leiknum rennur til góðgerðarsamtakanna „Association Mondiale des Amis de l'Enfance“ sem láta sig varða velferð barna.

Leikurinn fór fram á knattspyrnuleikvangi Mónacó þar sem leikir í frönsku úrvalsdeildinni eru leiknir.