Danski ökumaðurinn Kevin Magnussen hjá Renault var fluttur á spítala til ítarlegrar skoðunar eftir hrikalega harðan skell á öryggisvegg í belgíska kappakstrinum.

Óvíst er hvort Magnussen geti keppt í Monza á Ítalíu eftir viku en hann skarst á vinstri ökkla og hlaut jafnframt tognun á fæti.

Magnussen missti stjórn á bílnum á útleið í Raidillon-beygjunni og hafnaði á miklum hraða og af miklu afli á öryggisveg. Var keppnin stöðvuð meðan gert var við vegginn. Komst hann af eigin rammleik upp úr afar illa förnum bílnum og haltraði frá brakinu. 

Risaskjár við brautina sýnir hinn mikla skell Kevin Magnussen í belgíska kappakstrinum í Spa-Francorchamps í dag. Hér grefst bíllinn inn í dekkjavegginn. AFP

Risaskjár við brautina sýnir hinn mikla skell Kevin Magnussen í belgíska kappakstrinum í Spa-Francorchamps í dag. Hér grefst bíllinn inn í dekkjavegginn. AFP

Tengdar fréttir

Formúla-1/Renault

Renault út - Alpine inn

• Renault verður Alpine
• Ricciardo til McLaren
• Gleðin minni eftir brottför Ricciardo
• Hülkenberg ekki lengur með Renault

» Fleiri tengdar fréttir

• Blogga um frétt