Bandaríska fyrirtækið Liberty Media hefur náð samkomulagi um að kaupa öll viðskiptaréttindi formúlu-1. Verðmiðinn hljóðar upp á 4,4 milljarða dollara, jafnvirði 506 milljarða íslenskra króna.
Liberty Media hefur verið umsvifamikið á sviði fjölmiðlunar og fjarskipta og framleiðslu afþreyingarefnis. Á það meðal annars hafnaboltaliðið Atlanta Braves og gervihnattaútvarpsþjónustuna Sirius XM. Forstjórinn John Malone hefur verið frumkvöðull á sviði kapalsjónvarps.
Segir jafnframt í fréttum af viðskiptum þessum, að Liberty Media sé stærsta alþjóðlega sjónvarps- og breiðbandsfyrirtæki heims.Sé það með umsvif í á fjórða tug landa í Evrópu, rómönsku Ameríku og á Karíbahafssvæðinuu.
Seljendur formúlunnar eru þýska verðbréfafyrirtækið CVC Capital Partners.