Rosberg vel á undan

Nico Rosberg (1:35,227) var hálfri sekúndu fljótari með hringinn en liðsfélaginn Lewis Hamilton (1:35,721) í Sepang í Malasíu, en þar hófst kappaksturshelgin í morgun með fyrstu æfingu.

Þriðja besta hringinn átti Kimi Räikkönen (1:35,315) hjá Ferrari en hann var þó meira en sekúndu lengur að klára hann en Rosberg.

Á óvart kom hraði Fernando Alonso hjá McLaren en hann prófaði nýja og uppfærða Hondavél er skilaði honum í fimmta sæti. Var hann innan við 0,2 sekúndum á eftir Räikkönen en á milli þeirra varð Sebastian Vettel hjá Ferrari. Ók hann hringinn best á 1:36,331 en Alonso fór hann á 1:36,510 mín. 

Í sætum sex til tíu urðu - í þessari röð - Daniel Ricciardo og Max Verstappen hjá Red Bull, Nico Hülkenberg og Sergio Perez hjá Force India og loks Jenson Button hjá McLaren. Var hann 1,1 sekúndu lengur með hringinn en Alonso sem sýnir muninn á vélunum tveimur, en Button brúkaði þá gömlu.