Nico Rosberg hjá Mercedes segir það hafa verið rétta ákvörðun hjá dómurum kappakstursins í Mexíkó að refsa ekki liðsfélaga hans Lewis Hamilton fyrir akstur út fyrir braut og framhjáhlaup í fyrstu beygju eftir ræsingu.
Hamilton læsti bremsunum og náði ekki beygjunni við það. Þrátt fyrir að hann hafi grætt einhverja metra á því tóku dómararnir atvikið í raun aldrei til skoðunar.
Ólíkt höfðust þeir að er Max Verstappen hjá Red Bull yfirgaf brautina á nákvæmlega sama stað og færði honum aukið forskot í glímu við Sebastian Vettel hjá Ferrari. Verstappen var refsað fyrir það.Rosberg er á því að Hamilton hafi ekki verðskuldað álíka refsingu. Spurður út í það af bandarísku sjónvarpsstöðinni ESPN svaraði Rosberg: „Alls ekki, og ekki leggja mér orð í munn, það var ekki mjög sanngjarnt af þinni hálfu.“
Í fyrsta lagi stóð Lewis sig betur hérna alla helgina. Og þar sem þú lagðir mér orð í munn vil ég taka fram, að hann fór á undan inn í fyrstu beygju og kom út úr henni fyrstur svo það var í góðu lagi.“