Nico Rosberg (1.11,740) ók hraðast á lokaæfingunni fyrir tímatökuna í Sao Paulo, var 0,1 sekúndu fljótari með hringinn en liðsfélagi hans Lewis Hamilton (1.11,833). Þriðja besta tímann átti Sebastian Vettel hjá Ferrari (1.11,959).

Þá var Kimi Räikkönen innan við tíunda úr sekúndu lengur í förum en félagi hans Vettel í fjórða sæti.

Fyrsta tuginn á lista yfir hröðustu hringi fylltu svo - í þessari röð - Max Verstappen og Daniel  Ricciardo hjá Red Bull,  Valtteri Bottas hjá Williams, Jolyon Palmer hjá Renault, Felipe Massa hjá Williams og Fernando Alonso hjá McLaren.

Árangur nýliðans Palmer hjá Renault vekur athygli en hann var um sekúndu lengur í förum en Rosberg, Hamilton og Vettel og hefur aldrei komist svo langt upp tímalistana á æfingum eða tímatöku. Liðsfélagi hans Kevin Magnussen varð í 13. sæti (1.13,255).