Franski kappaksturinn í formúlu-1 er væntanlegur á mótskrá greinarinnar árið 2018, að sögn útvarpsstöðvarinnar Europe 1.
Þar er því haldið fram að skírt verði formlega frá endurkomu kappakstursins á blaðamannafundi hjá „Bílaklúbbi Frakklands“ næstkomandi mánudag.
Kappaksturinn 2018 fer ekki fram í Magny-Cours, sem var heimili hans í seinni tíð, heldur í annáluðu brautinni frægu við suðurströndina, Paul Ricard-brautinni í Le Castellet.
Héraðið Provence-Alpes-Côte d’Azur (PACA) stendur að baki kappakstrinum ásamt sýslunni Var. Leiðtogi PACA er fyrrverandi kappakstursmaður, Christian Estrosi, sem keppti m.a. í Evrópumótunum í formúlu-3 árið 1984. Þá mun borgin Toulon leggja fjármagn til keppnishaldsins, en tilgangur mótshaldsins er að vera nýr drifkraftur hagvaxtar í héraðinu.
Vilja aðstandendur franska kappakstursins í Paul Ricard-brautinni að hann fari fram í lok ágúst, þegar sumarfríum er að ljúka í Frakklandi.
Síðast fór franski kappaksturinn fram í Magny-Cours árið 2008.