Mercedesstjórinn Toto Wolff segist játa, að hann sjái eftir þeim fyrirmælum sem Lewis Hamilton hafi verið gefin í lokamóti ársins, í Abu Dhabi. 

„Við hefðum átt að bregðast öðru vísi við,“ segir Wolf. Er skammt var eftir kappakstursins freistaði Hamilton að hægja smátt og smátt ferðina á köflum og hjálpa þannig öðrum ökumönnum að komast í tæri við Rosberg og taka fram úr honum.

Var Rosberg með 12 stiga forskot fyrir lokamótið og hefði þurft að falla niður í fjórða sæti til að Hamilton ynni titilinn. Brögð breska ökumannsins gengu ekki upp; Rosberg varð annar í mark og vann titil ökumanna. 

Hræddir meðal annars um að Sebastian Vettel, á hagstæðari dekkjum, myndi komast fram úr og jafnvel stela sigri skipuðu Mercedesstjórarnir, þar á meðal tæknistjórinn Paddy Lowe, Hamilton að bæta í hraðann. Hamilton kaus hins vegar ítrekað að hunsa fyrirmælin.

„Í hita leiksins taka menn stundum ákvarðanir sem eru rangar,“ sagði Wolff við Sky-stöðina er hann fór yfir vertíðina. „Eftir á að hyggja hefðum við átt að tala öðruvísi og leyfa þeim  [Hamilton and Rosberg] að keppa eins og þeim þótti viðeigandi.“

Tengdar fréttir

Formúla-1/Mercedes

Hamilton framlengir

• Einbeita sér að því að auka aflið
• Mercedes ræður Bottas út 2020
• Íhuguðu að taka Hamilton úr bílnum
• Hamilton færður aftur

» Fleiri tengdar fréttir

• Blogga um frétt