Toro Rosso tilkynnti í dag að það myndi frumsýna 2017-bíl sinn í Barcelona á Spáni sunnudaginn 26. febrúar, daginn áður en fyrstu bílprófanir vetrarins hefjast þar.
STR12 bíllinn verður knúinn Renaultvél og verður afhjúpaður við bílskúr Toro Rosso í Barcelona. Hulunni af honum svipta ökumennirnir Daniil Kvyat og Carlos Sainz.
Með þessu hafa sex formúlulið af 10 staðfest opinberun bíla sinna og verður Force India hið sjötta í röðinni. Renault, Force India, Mercedes, McLaren og Ferrari gera það í vikunni fyrir bílprófanirnar.
Listinn yfir frumsýningarnar lítur því út sem hér segir:
21. febrúar Renault
22. febrúar Force India
23. febrúar Mercedes
24. febrúar Ferrari
24. febrúar McLaren
26. febrúar Toro Rosso