Sauber hefur ákveðið að frumsýna 2017-bíl sinn mánudaginn 20. febrúar og verður því fyrst formúluliðanna til að svipta nýju bílana hulunni.
Mun þetta eiga sér stað í bíl´skúrareininni í Barcelona, en vetraræfingar formúluliðanna hefjast þar tveimur dögum seinna, 22.febrúar.
Bíllinn verður knúinn ársgamallri vél frá Ferrari.
Með þessu hafa sjö formúlulið af 10 staðfest opinberun bíla sinna og verður Force India hið sjöunda í röðinni. Renault, Force India, Mercedes, McLaren, Ferrari og Sauber gera það í vikunni fyrir bílprófanirnar.
Listinn yfir frumsýningarnar lítur því út sem hér segir:
20. febrúar Sauber
21. febrúar Renault
22. febrúar Force India
23. febrúar Mercedes
24. febrúar Ferrari
24. febrúar McLaren
26. febrúar Toro Rosso
Aðeins Red Bull, Williams og Haas eiga eftir að segja frá hvenær bílar þeirra verða frumsýndir.