Íþróttir | Formúla 1 | mbl | 7.4.2017 | 7:19 | Uppfært 9:01

Æfingunni aflýst

Mynd 1 af 3 Skyggni þarf að vera nógu mikið til að sjúkraþyrlur geti athafnað sig, gerist þess þörf vegna slysa. Þannig var umhorfs við brautina í Sjanghæ í morgun.

Mynd 2 af 3 Nico Hülkenberg líst ekki á blikuna þar sem hann bíður í bílskúr Renault eftir að seinni æfing dagsins í Sjanghæ hefjist. AFP

Mynd 3 af 3 Það rigndi vel í upphafi fyrri æfingarinnar í Sjanghæ í morgun.

Seinni æfingu dagsins í Sjanghæ í Kína hefur verið aflýst. Vegna veðurfars var aldrei unnt að hefja hana.

Aðstæður voru ágætar í og við brautina en vegna lágskýja var ekki unnt að fljúga og lenda þyrlu við sjúkrahús kappakstursins sem er í 38 kílómetra fjarlægð. Af þeim sökum var ökumönnum aldrei hleypt út í brautina.

Þar sem fyrri æfingin fór að langmestu leyti forgörðum mæta ökumennirnir til leiks á þriðju æfinguna á morgun með nánast ekkert til að byggja framhaldið á. Gangi hún ekki eðlilega fyrir sig renna tímatökurnar upp við mikla óvissu.