Íþróttir | Formúla 1 | mbl | 1.6.2017 | 11:41

Alonso vann allt nema kappaksturinn

Mynd 1 af 11 Fernando Alonso yfirgefur bíl sinn í Indianapolis eftir að vélin gaf sig. AFP

Mynd 2 af 11 Fernando Alonso hafði á stundum forsytu í Indianapolis 500 kappakstrinum, svo sem hér. AFP

Mynd 3 af 11 Fernando Alonso með forystu í Indy 500 kappakstrinum í Indianapolis. AFP

Mynd 4 af 11 Fernando Alonso og Takuma Sato (t.h.), sem vann kappaksturinn, voru liðsfélagar hjá Andretti-liðinu. Hér er verið að kynna ökumenn til leiks fyrir keppnina. AFP

Mynd 5 af 11 Um 300.000 manns voru í stúkum Indianapolis Speedway brautarinnar. Hér er Fernando Alonso fremstur. AFP

Mynd 6 af 11 Fernando Alonso þakkar áhorfendum stuðninginn eftir að bíll hans féll úr leik vegna bilunar í Indy 500 kappakstrinum. AFP

Mynd 7 af 11 Fernando Alonso þakkar áhorfendum stuðninginn eftir að bíll hans féll úr leik vegna bilunar í Indy 500 kappakstrinum. AFP

Mynd 8 af 11 Fernando Alonso fremstur í Indy 500 kappakstrinum. AFP

Mynd 9 af 11 Bílarnir í Indycar mótunum eru talsvert frábrugðnir bílum formúlu-1. Hér er Alonso á ferð í Indianapolis. AFP

Mynd 10 af 11 Bílarnir í Indycar mótunum eru talsvert frábrugðnir bílum formúlu-1. Hér er Alonso á ferð í Indianapolis. AFP

Mynd 11 af 11 Fernando Alonso leiðir kappaksturinn í Indianapolis. AFP

Jafnvel áður en hinn frægi bandaríski Indy 500 kappakstur hófst hafði Fernando Alonso náð miklum árangri vestanhafs. Farið nánast sigurför, segja bandarískir og evrópskir miðlar.

Um tveggja vikna skeið var hann miðpunktur allrar athygli í Indianapolis en á þau mið reri hann í þeirri von að komast aftur á sigurbraut eftir þrjú misheppnuð ár í formúlu-1.

Eltur af fjölmiðlum, umkringdur unnendum, engin leið að felast og hann tók hlutskipti sínu sem nýliöði í Indy 500 með iðni, stefnufestu og stæl.

Sunnudagurinn reis og möguleikar á einhverjum glæsilegasta sigri í kappakstri þóttu fyrir hendi. Þegar bílarnir 33 tóku af stað tók hann fram úr hverjum á fætur öðrum sem langreyndur í Indy 500 kappakstrinum. Maður með erindi sem lét ekki aftra sér að þreyja keppni á þriðju klukkustund milli veggjanna meðfram brautinni og keppinauta sem allir sóttust eftir frægð og glæstum sigri.

Á endanum var Honda sökudólgur brottfalls hans, vélin brást, eitthvað sem hann hefur svo oft áður séð og upplifað. Það hefur Hondavélin svo oft áður gert í keppni í formúlu-1. Hin ósanngjarna niðurstaða dregur þó ekkert úr færni Alonso, hugrekki hans, hæfileikum og keppnisfærni, sögðu bandarískir miðlar að keppni lokinni.

Alonso var í slag um toppsætin nær allan kappaksturinn út í gegn og hafði forystu nokkrum sinnum áður en vélin brást er um 10 hringir af 200 voru eftir.