Felipe Massa fær nýjan undirvagn undir bíl sinn eftir óhapp á fyrstu æfingunni í Spa sem leiddi til umtalsverðra skemmda á Williamsbílnum.
Bíllinn losnaði upp á brautinni er hann kom inn að Malmedy beygjunni með þeim afleiðingum að hann rann stjórnlaus útaf brautinni og út í malargryfju þar sem hann sat fastur eftir að hafa skollið á öryggisgirðingu.
Þótt tjónið sé talsvert og tíma taki að setja bílinn saman að nýju vonast tæknimenn Williams eftir því að takast muni að búa hann til aksturs fyrir seinni æfingu dagsins.