Íþróttir | Fótbolti | mbl | 28.1.2007 | 20:28

Barcelona endurheimti toppsætið

Börsungar fagna marki Ronaldinhos gegn Celta í kvöld. Reuters

Barcelona skaust aftur á topp spænsku 1. deildarinnar í knattspyrnu í kvöld þegar liðið sigraði Celta Vigo, 3:1. Javier Saviola, Ronaldinho úr vítapsyrnu og Ludovic Giuly skoruðu mörkin fyrir Börsunga sem hafa 42 stig, Sevilla 41 og Real Madrid er í þriðja sæti með 38 stig. Eiður Smári Guðjohnsen lék síðustu 12 mínúturnar fyrir Barcelona en kom lítið við sögu.