Íþróttir | Fótbolti | mbl | 10.9.2008 | 20:26 | Uppfært 20:43

Skotar unnu nauman sigur

Stefán Gíslason leikmaður Íslands á Laugardalsvellinum í kvöld. mbl.is/Kristinn

Skotland vann í kvöld 2:1-sigur á Íslandi í 2. umferð undankeppni heimsmeistaramótsins í knattspyrnu á Laugardalsvelli. Fylgst var með gangi mála í beinni textalýsingu á mbl.is.

Skotar komust í 1:0 á 18. mínútu með marki eftir hornspyrnu og juku forskotið með marki eftir vítaspyrnu þegar kortér var liðið af seinni hálfleik. Íslenska liðið gafst þó ekki upp og Eiður Smári Guðjohnsen minnkaði muninn með marki úr vítaspyrnu á 77. mínútu, en Skotar misstu þá mann af velli með rautt spjald fyrir að handleika boltann.

Þrátt fyrir nokkrar tilraunir til að jafna metin varð niðurstaðan 2:1-sigur Skota og Ísland er því komið í neðsta sæti riðilsins.

Skotar töpuðu gegn Makedóníu á útivelli, 1:0, í fyrstu umferð. Íslendingar náðu jafntefli gegn Norðmönnum á útivelli, þar sem að Heiðar Helguson og Eiður Smári Guðjohnsen skoruðu mörk Íslands.

Byrjunarlið Íslands:

Markvörður: Kjartan Sturluson

Hægri bakvörður: Grétar Rafn Steinsson

Vinstri bakvörður: Bjarni Ólafur Eiríksson

Miðverðir: Kristján Örn Sigurðsson og Hermann Hreiðarsson, fyrirliði

Tengiliðir: Aron Einar Gunnarsson og Stefán Gíslason

Sóknartengiliður: Eiður Smári Guðjohnsen

Hægri kantur: Birkir Már Sævarsson

Vinstri kantur: Emil Hallfreðsson

Framherji: Heiðar Helguson

Varamenn: Fjalar Þorgeirsson, Indriði Sigurðsson, Ragnar Sigurðsson, Pálmi Rafn Pálmason, Gunnar Heiðar Þorvaldsson, Veigar Páll Gunnarssonj, Stefán Þór Þórðarson.

Þeir sem eru ekki hópnum: Jónas Guðni Sævarsson, Davíð Þór Viðarsson, Hólmar Örn Rúnarsson, Guðmundur Steinarsson.

Byrjunarlið Skota: Craig Gordon - Gary Naysmith, Stephen McManus, Gary Caldwell, Kirk Broadfoot - Scott Brown, Darren Fletcher, Barry Robson - Shaun Maloney, James McFadden, Kris Commons.