Þróttur eygir von eftir sigur á ÍR

Eysteinn Pétur Lárusson, til hægri, skoraði fyrir Þrótt. mbl.is/Kristinn

Þróttarar eygja enn von um að komast í undanúrslitin í Reykjavíkurmóti karla í knattspyrnu eftir góðan sigur á ÍR-ingum, 4:1, í Egilshöllinni í kvöld.

Þróttarar eru þá komnir með 4 stig og eiga eftir að mæta Víkingum sem eru líka með 7 stig. Þróttur þarf þriggja marka sigur til að skáka Víkingum á markatölu. KR er með 7 stig og á eftir að mæta Val, sem líka getur náð 7 stigum, þannig að fjögur lið af fimm eiga enn möguleika á að fara uppúr riðlinum.

Staðan í A-riðli.

Haukur Ólafsson kom ÍR yfir en Eysteinn Pétur Lárusson jafnaði fyrir Þróttara. Andrés Vilhjálmsson kom þeim yfir og Hörður Bjarnason, fyrrum leikmaður Víkings R. og Breiðabliks, skoraði tvö síðustu mörkin.