Brann fékk lán til að greiða laun
Giovanni van Bronkhorst og Birkir Már Sævarsson í baráttunni á Laugardalvelli. Eggert Jóhannesson
Forráðamenn norska fótboltaliðsins Brann gátu ekki greitt út laun til starfsmanna félagsins og leikmanna í janúar án þess að fá um 330 milljóna kr. lán. Hand Brandtun stjórnarformaður Brann segir að árið 2009 hafi reynst félaginu erfitt fjárhagslega en hann er bjartsýnn á að ná endum saman í rekstri liðsins á þessu rekstrarári.
Ólafur Örn Bjarnason, Gylfi Sigurðsson og Birkir Már Sævarsson eru
á mála hjá Brann en þeir Kristján Örn Sigurðsson og Ármann Smári Björnsson eru
farnir frá Brann.
Á síðasta ári gengu rekstraráætlanir Brann ekki upp. Sala á ársmiðum
dróst saman um rúmlega 110 milljónir kr. en um 16.000 áhorfendur mættu að
meðaltali á heimaleiki félagsins í Bergen. Brann Stadion tekur um 17.300
áhorfendur. Heildartap Brann var um hálfur milljarður kr. og heildarvelta félagsins var rúmlega 3,3
milljarðar kr.
