Bjarni og Pálmi skoruðu (myndband)

Bjarni Ólafur Eiríksson í leik með íslenska landsliðinu. mbl.is/Eggert

Bjarni Ólafur Eiríksson knattspyrnumaður úr Val hefur síðustu daga verið til reynslu hjá norska úrvalsdeildarliðinu Stabæk. Hann nýtti tækifærið sitt vel í æfingaleik gegn Halmstad í gær og skoraði gott mark úr aukaspyrnu. Fyrrum samherji hans úr Val, Pálmi Rafn Pálmason, gerði sigurmarkið í 3:2 sigri Stabæk.

Þriðji Íslendingurinn sem lék með Stabæk í leiknum, Veigar Páll Gunnarsson, fékk rautt spjald í seinni hálfleiknum en það kom ekki í veg fyrir sigur liðsins.

Myndband af mörkum leiksins má sjá með því að smella hér.