Ólafur mjög ánægður með riðilinn

Ólafur Jóhannesson. mbl.is/Golli

Ólafur Jóhannesson sagðist í samtali við mbl.is vera mjög ánægður með riðil Íslands í undankeppni EM í knattspyrnu karla en dregið var í dag. Ísland er í riðli með Portúgal, Danmörku, Noregi og Kýpur. Ísland dróst því aftur í fimm liða riðil en nokkrir riðlanna eru sex liða riðlar. 

„Ég er mjög ánægður með riðilinn. Auðvitað hefðum við viljað vera í sex liða riðli en það er ágætt að vera í góðum fimm liða riðli. Maður hefði getað lent í hundleiðinlegum sex liða riðli, þannig að þetta er fínt, “ sagði Ólafur þegar mbl.is sló á þráðinn til hans.

Rætt er við Ólaf í átta síðna íþróttablaði Morgunblaðsins í fyrramálið.