Helgi iðinn við kolann hjá Víkingi

Helgi Sigurðsson. mbl.is/Eggert

Helgi Sigurðsson kom Víkingum á bragðið þegar liðið vann stórsigur á Fjölni 3:0 í Lengjubikarkeppni karla í kvöld. Helgi hefur verið drjúgur fyrir Víking að undanförnu en hann gekk í raðir félagsins á ný síðasta haust.

Helgi skoraði strax á 5. mínútu og Pétur Svansson bætti öðru við á 31. mínútu. Þriðja markið kom á 35. mínútu og var sjálfsmark. 

Víkingur er með 6 stig eftir 3 leiki í öðrum riðli A-deildar og er í 2. - 4. sæti. Fjölnir er með 3 stig eftir 4 leiki í 6. sæti. Valur og Fram gerðu jafntefli í kvöld og Fram er á toppnum með 10 stig eftir 4 leiki en Valur hefur 4 stig eftir 3 leiki.