Kristianstad ræðir við Katrínu Ómars

Íslendingaliðið Kristianstad sem leikur í efstu deild í Svíþjóð hefur fengið heimild hjá KR til þess að ræða við landsliðskonuna Katrínu Ómarsdóttur. Frá þessu er greint á heimasíðu KR.

Elísabet Gunnarsdóttir heldur um stjórnartaumana hjá Kristianstad og með liðinu leika landsliðskonurnar, Margrét Lára Viðarsdóttir, Guðný Björk Óðinsdóttir og Erla Steina Arnardóttir.

Ef Katrín kýs að leika með Kristianstad í sumar þá gæti hún ekki leikið með liðinu allt tímabilið þar sem hún stundar nám við Berkeley skólann í Bandaríkjunum á fótboltastyrk.