Meiðsli Veigars eru ekki alvarleg

Veigar Páll Gunnarsson. Ómar Óskarsson

Veigar Páll Gunnarsson leikmaður norska úrvalsdeildarliðsins Stabæk verður líklega með í leiknum gegn Vålerenga á laugardaginn. Veigar fór meiddur af velli í 3:2-sigurleik Stabæk gegn Odd/Grenland um s.l. helgi en í dag fékk framherjinn þær fréttir frá læknateymi Stabæk að meiðslin væru ekki eins alvarlega og talið var í fyrstu.

Í gær bárust þær fregnir úr herbúðum Stabæk að Veigar Páll gæti verið frá í allt að 6 vikur vegna tognunar, en það reyndist ekki vera rétt. „Hann mun æfa með liðinu á föstudag og við munum síðan taka ákvörðun með framhaldið,“ segir sjúkraþjálfari Stabæk á heimasíðu félagsins.