Reyndur Dani dæmir í Kórnum

Claus Bo Larsen.

Einn af reyndari knattspyrnudómurum Evrópu, Claus Bo Larsen frá Danmörku, dæmir vináttulandsleik Íslands og Færeyja sem fer fram í Kórnum í Kópavogi á sunnudaginn klukkan 12.

Larsen hefur dæmt 17 leiki í Meistaradeild Evrópu, m.a. leik Liverpool og Chelsea í 8-liða úrslitum keppninnar og leik á milli Manchester United og Liverpool í undanúrslitum. Hann dæmdi ennfremur viðureign Manchester United og Zenit St. Pétursborg um Stórbikar Evrópu árið 2008. Þá var hann á meðal dómara í knattspyrnukeppni Ólympíuleikanna í Aþenu árið 2004.

Larsen verður með íslenska aðstóðardómara með sér, þá Gunnar Sverri Gunnarsson og Einar Sigurðsson en Þorvaldur Árnason verður fjórði dómari.