Íþróttir | Fótbolti | Morgunblaðið | 20.3.2010 | 9:36

Hannes Sigurðsson á förum frá Sundsvall

Hannes Sigurðsson fagnar marki með Sundsvall. mbl.is/gifsundsvall.se

Knattspyrnumaðurinn Hannes Þ. Sigurðsson, sem er á mála hjá sænska 1. deildarliðinu Sundsvall, er á förum frá félaginu. Hannes á eitt ár eftir af samningi sínum við Sundsvall. Viðræður um nýjan samning hafa staðið yfir í nokkurn tíma en þær hafa nú siglt í strand og líklegt er að hann verði seldur þegar opnað verður fyrir félagaskipti í sumar.

,,Nú er það orðið ljóst að ég skrifa ekki undir nýjan samning og það er reyndar búið að stefna í þetta í nokkurn tíma. Nú er bara spurning hvort ég fari þegar glugginn opnast í sumar eða hvort ég klári tímabilið og fari þá án greiðslu eftir tímabilið,“ sagði Hannes í samtali við Morgunblaðið í gær. Hannes kom til Sundsvall frá norska liðinu Viking fyrir tímabilið 2008 og gerði þriggja ára samning við sænska liðið. Hann var markahæsti leikmaður liðsins á síðustu leiktíð, skoraði 10 mörk í 22 leikjum.

Nánar er rætt við Hannes í Morgunblaðinu í dag.

Nánar um málið
í Morgunblaðinu

Áskrifendur:
Lesa blaðið hér

Ekki með áskrift?
Skoða áskriftarleiðir