Ondo með þrennu í sigri Grindvíkinga

Gilles Mbang Ondo skoraði þrennu í dag. mbl.is

Gilles Mbang Ondo fór mikinn í liði Grindvíkinga í 3:2 sigri þeirra gegn Stjörnunni í deildabikarkeppni karla í knattspyrnu, Lengjubikarnum, en liðin áttust við í Reykjaneshöllinni í dag.

Ondo skoraði öll þrjú mörk Grindvíkinga en Ólafur Karl Finsen og  Þorvaldur Árnason gerðu mörk Garðabæjarliðsins.

Grindavík komst með sigrinum upp fyrir Stjörnuna í annað sætið í riðli 1. ÍA er efst með 13 stig, Grindavík er í öðru sæti með 9 stig og Stjörnumenn í því þriðja með 7.