Íþróttir
|
Fótbolti
| mbl
| 21.3.2010
| 21:00
Birkir skoraði í stórsigri Viking
Birkir Bjarnason leikur stórt hlutverk hjá liði sínu Viking. mbl.is/Kristinn
Viking vann í kvöld stóran sigur á Brann í norsku úrvalsdeildinni í knattspyrnu, 4:0. Fimm Íslendingar tóku þátt í leiknum og var Birkir Bjarnason á skotskónum.
Birkir innsiglaði sigurinn með marki á 60. mínútu en Viking gerði þrjú mörk í fyrri hálfleiknum. Birkir lék allan leikinn á miðjunni og Indriði Sigurðsson í vörninni hjá Viking.
Hjá Brann voru þeir Ólafur Örn Bjarnason og Birkir Már Sævarsson í vörninni allan leikinn en Gylfi Einarsson kom inná sem varamaður strax á 30. mínútu.
© Árvakur hf.
Öll réttindi áskilin
