Góður sigur hjá Malmö - Kristianstad tapaði í 7 marka leik

Elísabet Gunnarsdóttir. mbl.is/hag

Þóra B. Helgadóttir landsliðsmarkvörður í knattspyrnu var í marki Malmö FF í dag þegar liðið sigraði Sunnanå 3:0 í sænsku úrvalsdeildinni í fótbolta. Kristianstad tapaði 4:3 á heimavelli gegn Jitex en í liði Kristianstad voru þrír íslenskir leikmenn.

Elísabet Gunnarsdóttir þjálfari Kristianstad mátti horfa upp á sitt lið fá á sig þrjú mörk á fyrstu 30 mínútum leiksins. Staðan var 4:1 í hálflei og heimaliðið skoraði náði að  minnka muninn í 4:3 þegar um hálftími var eftir af leiknum. Margrét Lára Viðarsdóttir var í byrjunarliði Kristianstad líkt og Guðný Björk Óðinsdóttir og Erla Steina Arnardóttir.  

Edda Garðarsdóttir lagði upp sigurmark Örebro sem lagði Hammarby 1:0 á útivelli í Stokkhólmi. Ólína Viðarsdóttir var í byrjunarliði Örebro líkt og Edda.