Framarar í miklu stuði

Almarr Ormarsson skoraði tvö marka Framara. Golli / Kjartan Þorbjörnsson

Fram hélt sigurgöngu sinni áfram í A-riðli Reykjavíkurmóts karla í knattspyrnu í dag. Framarar burstuðu Víkinga, 4:0, í Egilshöllinni og hafa þar með unnið alla þrjá leiki sína og eru með markatöluna, 11:1.

Sveinbjörn Jónasson skoraði í sínum fyrsta leik fyrir Safamýrarliðið en þessi mikli markaskorari gekk í raðir liðsins frá Þrótti í vikunni. Almarr Ormarsson skoraði tvö marka Fram og þeir Sveinbjörn og Samuel Tillen gerðu sitt markið hvor. Mark Tillens kom úr vítaspyrnu.