Orri samdi við AGF

Orri Sigurður Ómarsson (16) fagnar sigri með U17 ára landsliði Íslands. mbl.is

Orri Sigurður Ómarsson, tæplega 17 ára gamall unglingalandsliðsmaður í knattspyrnu úr HK í Kópavogi, skrifaði í dag undir þriggja ára samning við danska félagið AGF frá Árósum.

Orri leikur bæði með U17 og U19 ára landsliðum Íslands en hann spilaði 20 leiki með HK í 1. deildinni síðasta sumar, enda þótt hann væri þá enn á 3. flokks aldri.

Orri er fimmti Íslendingurinn í röðum AGF. Aron Jóhannsson leikur með aðalliði félagsins og þeir Arnar Aðalgeirsson, Oliver Sigurjónsson og Þórður Jón Jóhannesson með unglingaliðum AGF.