Þjálfari Hoffenheim: Gylfi vildi ekki spila fyrir okkur

Gylfi Þór í leik með Swansea. www.swanseacity.net

Holger Stanislawski þjálfari Hoffenheim segir að félagið hafi neyðst til að láta þá Gylfa Þór Sigurðsson og Chinedu Obasi fara frá félaginu í janúar. Gylfi var lánaður til Swansea í janúar og skoraði mark og lagði upp annað í sigri á WBA í dag.

„Við vissum að við yrðum að láta Obasi og Gylfa fara því þeir vildu ekki lengur spila fyrir okkur,“ sagði Stanislawski við þýska blaðið Bild.

Ummælin verða að teljast athyglisverð í ljósi þess að Stanislawski virtist frekar vilja hafa Gylfa á varamannabekknum en spilandi inni á vellinum.